GJILANI - FLAMURTARI
Kelmendi jetik për Flamurtarin
5 May, 2019 @18:12
Një fitore shumë e rëndësishme për Flamurtarin sot në Gjilan!
Skuadra nga kryeqyteti e ka mposhtur me rezultat minimal 0-1 Gjilanin vendas, një nga rivalët e saj në garën për mbijetesë, duke e futur këtë të fundit në zonën e barazhit.
Pas pjesës së parë që u mbyll pa gola, ndeshjen e vendosi një gol i Shend Kelmendit në pjesën e dytë. Prishtinasi Kelmendi shënoi me të majtën në minutën e 62’ të ndeshjes, e ky gol i mjaftoi skuadrës kuqezi që të largohet me 3 pikë nga Gjilani.
Tri xhiro para fundit, Gjilani ndodhet në zonën e barazhit dhe xhiron e ardhshme ka një ndeshje jetike ndaj Ballkanit në Suharekë, kurse Flamurtari javën e ardhshme ndeshet me Drenicën në kryeqytet.
Kjo fitore kaq e rëndësishme e Flamurtarit vjen në një moment tepër të mirë për kuqezinjtë e Prishtinës, që tashmë kanë gjasa të mira të shpëtojnë stinorin pa u futur në zonën e barazhit.
