BESA - ONIX
Sheqerolli kthen Besën në pozitë Superlige
4 May, 2019 @18:59
Futbollisti i Besës Donart Sheqerolli ka shënuar gol në fillim të takimit, që ka mjaftuar për ekipin pejan të kthehet në pozitë të dytë të Ligës së Parë - vend ky që dërgon në Superligë direkt.
Sheqerolli ka shënuar në minutën e 16 të takimit për fitoren e Besës sot ndaj Onixit 1-0.
Me këtë fitore Besa ka kërcyer në vend të dytë të tabelës me 2 pikë më shumë sesa Dukagjini që luan nesër ndaj Bashkimit.
Besa në xhiron që vjen luan derbin ndaj Vëllaznimit në Gjakovë. Ndërsa Onixi pret Istogun.
