KUJTIM DUBOVA KALON TE KIKA
Kika merr futbollistin e Gjilanit
2 January, 2019 @18:33
Mbrojtësi i deritashëm i Gjilanit, Kujtim Dubova, është zyrtarizuar sot si përforcim i ri i Kikës së Hogoshtit.
Ai ka nënshkruar deri në fund të stinorit me ekipin e Kikës. Skuadra në fjalë po lufton për mbijetesë këtë stinor në Ligë të Parë.
Kika ka përfunduar vjeshtën në Ligë të Parë me vetëm 3 fitore dhe në total ka mbledhur 15 pikë. Ekipi është në zonën e Play Outit të Ligës së Parë, ndërsa me pikë të njëjta Ramiz Sadiku është mbi ta në zonën e shpëtimit.
“Kika në ditët në vazhdim do të sjellë risi tjera,” ka bërë të ditur ndër të tjera njoftimi i ekipit, që dikur ishte nënkampion i Kosovës.
