WESLEY SNEIJDER
REUTERS
Koha për marrëveshje
11 January, 2013 @22:41
Agjenti i mesfushorit të Interit ka pohuar se negociatat ndërmjet gjigandit turk, Galatasaray dhe holandezit Sneijder janë në vlugun e saj.
“Bisedimet ndërmjet Sneijderit, familjes së tij dhe Galatasarayit filluan që të enjten. Kur të zgjohemi nesër në mëngjes, besoj se gjithçka do të sqarohet,” ka thënë Soren Lerby, agjenti i dhjetëshes së Interit për mediat turke.
Sneijder 28 vjeç, ka prishur marrëdhëniet me Interit pasi klubi ka dashur t’ia ulë rrogën. Ai kërkohet nga shumë ekipe si: Manchester United, Anzhi e Schalke. Mirëpo nerroazzurët kanë pranuar ofertën 10 milionëshe të Galatasarayit dhe futbollisti është duke tentuar të mirret vesh 100% me turqit.
