Kolumbia feston

Kolumbia ka shënuar fitore në ndeshje ndaj Greqisë sot, duke arritur kështu 3 pikët e para në Grupin C - që llogaritet të jetë më i paqarti në kampionat për shkak se të gjitha skuadrat tentojnë daljen nga grupi dhe kanë gjasa thuajse të njejta. 

Goli i shpejtë i shënuar nga Pablo Armero pas asistimit të Juan Cuadrados ka qenë tepër i rëndësishëm për Kondorët, e Greqia përkundër se pati një rast të mirë me lojtarin me origjinë shqiptare, Panagiotis Kone, nuk arriti të barazojë deri në fund të pjesës së parë. 

Më tej, Kolumbia arriti përsëri të shënojë shpejtë në pjesë të dytë, kur Teofilo Gutierrez arriti të dyfishojë epërsinë e latinoamerikanëve për të qetësuar edhe më lojën e ekipit, derisa helenët goditën shtyllën pas një sulmi - por përsëri pa shënuar gol. 

Në fund James Rodriguez vulosi fatin e takimit dhe i solli edhe epërsi në golaverazh kolumbianëve duke shënuar për 3-0. 

TABELA AKTUALE