Kolumbia shpreson, Polonia eliminohet

Tashmë është ndezur edhe Grupi H. Kolumbia me fitore bindëse ndaj Polonisë pa ide sonte, ka marrë tre pikëshin e parë, ndërsa do të luftojë për kualifikim drejtpërdrejtë me Senegalin në përballjen e fundit të grupit.

Kolumbianët avancuan me golin e qendërmbrojtësit Yerry Mina, pak para fundit të pjesës së parë, kur ky u gjend më së miri në zonë për të shënuar me kokë për 1-0.

Në pjesë të dytë polakët tentuan të hapeshin më shumë, por kundërsulmet kolumbiane u treguan vrastare për ta.

ORARI dhe TABELA

Ka qenë së pari Radamel Falcao, që shënoi golin e parë të tij në një Kampionat Botëror, që çoi rezultatin në 2-0, ndërsa pas tij Juan Cuadrado që vulosi epilogun e takimit me 3-0.

Pas ndeshjeve të sotme, Japonia e Senegali kanë nga 4 pikë në Grupin H, Kolumbia 3, ndërsa Polonia do të luajë edhe një ndeshje, por që sot ka të sigurt biletën e kthimit për në shtëpi.