Krasniqi beson në tri pikë

Njëri prej lojtarëve më të rëndësishëm të Feronikelit, Besnik Krasniqi, ka folur për faqen zyrtare të skuadrës së tij, në lidhje me ndeshjen e radhës të Feronikelit, i cili do të përballet me skuadrën e Dritës në mesjavë.

“Në ndeshjen me Dritën vijmë pas një pushimi të gjatë prej dy javësh. Gjatë këtyre dy javevë kemi pasur kohë t’i shikojmë të gjitha gjërat e ndeshjes së fundit dhe të punojmë ashtu siç kërkon shtabi teknik. Mendoj se jemi prëgatitur mjaft mirë kundër Dritës.

Nuk bën ta marrim si ndeshje të lehët. Drita është në krizë, por ka skuadër të mirë dhe duhet të hyjmë ashtu siç na takon të luajmë sa më mirë. Besoj se do të marrim tre pikë dhe do të vazhdojmë në çdo ndeshje të japim maksimumin,” tha Krasniqi.

Ndeshja hapëse e xhiros së tetë në Superligë, ndërmjet Feronikeli dhe Dritës do të luhet të martën më 11 tetor në stadiumin “Rexhep Rexhepi” në Drenas.