Kriza s’e ndalë nga fitoret

Përkundër krizës së madhe financiare në klub, mospërkrahjes dhe kërcënimeve për bojkot - Ferizaji ka arritur të shënojë fitoren e radhës në Ligë të Parë, duke e mposhtur Kikën sot, 2-1 [Yll Fazliu, Kenan Orana - n.n.]

Futbollistët e Ferizajit kanë arritur të regjistrojnë fitoren pas 5 ndeshjeve pa fitore, prej të cilave 4 humbje për t’iu rikthyer fitores në Ligë të Parë B.

TABELA AKTUALE

Fitorja ka ardhur me dominim ndaj kundërshtarit, ndërsa pas pjesës së parë të përfunduar pa gola 0-0, në pjesë të dytë bardhekaltërit kanë arritur të fitojnë.

Në anën tjetër Kika, që është e parafundit në renditjen e Ligës së Parë B, është vetëm tre pikë larg fundit të renditjes që dërgon në Ligë të Dytë dhe tash e tuje ekipi nga Hogoshti duhet të ketë kujdes, pasi që KEK-u po pret gabimin e tyre për të dalë nga fundi.