ONIX 0-3 TREPÇA
Fitore, Trepça i ikë fundit
4 April, 2021 @17:45
Me një fitore bindëse, Trepça ka marrë pikët e nevojshme për të ikur sadopak nga pjesa e fundit e tabelës në renditjen e Ligës së Parë A.
Mitrovicasit sot kanë shënuar fitore jetike ndaj Onixit duke i mposhtur kundërshtarët si mysafir 0-3 [Amir Prishtina, Ardian Neziri, Lekë Bibaj].
Me lojë, Trepça ka qenë dukshëm më e mirë sesa vendasit, që vuanin nga mungesa e Enis Miranajt organizator dhe kanë marrë fitoren e rëndësishme sot, që i ka çuar ata në 23 pikë, 6 më shumë sesa Vushtrria e fundit në renditje.
Në anën tjetër Onix, që pas startit të mirë të stinorit ka krizë rezultatesh, ende është i pesti në renditje me 4 pikë më shumë sesa Trepça, ndërsa ka seri prej 5 ndeshjeve pa fitore.
