Kthehet javën tjetër

Lajmi i mirë për Arsenalin vjen nga mjekët e klubit. Sipas informatave të botuara sot nga klubi londinez, sulmuesi i lënduar i ekipit, Olivier Giroud, do të kthehet më shpejtë sesa që është parashikuar. 

“Sulmuesi ynë Olivier Giroud do të kthehet në stërvitje që nga java e ardhshme dhe do të jetë i gatshëm për sfidat e reja me ekipin,” ka shkruar edicioni françez i Goal.com sot. 

Giroud është i lënduar që nga 23 gushti i këtij viti dhe po i mungon shumë Arsenalit në sulm. Fundi i këtij muaji është parashikuar të jetë data më e afërt për kthimin e tij në stërvitje, në momentin kur u lëndua ai.