COUPE DE FRANCE
REUTERS/Benoit Tessier
Kupa pas 26 viteve
1 June, 2013 @11:10
Sulmuesi 25 vjeçar nga Mali, Cheikh Diabate, ka qenë njeriu i ndeshjes finale ndërmjet Bordeuax dhe Evian, të vlefshme pë Kupën e Francës.
Ai ka shënuar dy gola dhe ka dështuar njëherë nga penalltia në ndeshjen që u ngjallë plotësisht në pjesën e dytë të saj. Diabate shënoi në minutën e fundit të ndeshjes për rezultatin 3-2 në të mirë Bordeaux, të cilët fituan Kupën e Francës për herë të parë pas 26 viteve.
Në fakt, Bordeaux ka qenë dy herë në epërsi gjatë ndeshjes derisa Evian, gjithmonë barazonte. Në fund, kur futbollisti afrikan shënoi për 3-2, Evian nuk kishte kohë të reagonte për të çuar ndeshjen në vazhdime.
Në fund të fundit, fitorja ka qenë e merituar për skuadrën e udhëhequr nga Francis Gillot, me ç‘rast edhe siguruan daljen në Europa League në stinorin tjetër.
COUPE DE FRANCE - FINALJA:
| Bordeaux - Evian | 3-2 | Diabate 39', 89', Saivet 53' - Sagbo 51', Dja Dje Dje 70' |
