BALLKANI 4-1 BESA
Lehtë ndaj Besës, Ballkani lider
10 April, 2021 @16:58
Ballkani ka arritur të shënojë fitore në duel ndja Besës, për t’iu kthyer triumfeve pas humbjes ndaj Prishtinës.
Me fitore ndaj Besës së fundosur në Superligë, Ballkani ka marrë lidershipin në elitë, me pikë të njëjta sikurse Drita ndjekëse, që ka aktualisht një ndeshje më pak.
Ballkani mposhti Besën 4-1 [Meriton Korenica 5, 69, Nazmi Gripshi 56, Arbër Prekazi 80 - Ardi Qorri 23]
Gjithça nisi mirë dhe heret për Ballkanin, kur Meriton Korenica shënoi për epërsi në minutën e 5 të takimit. Por Besa luftarake ka arritur të barazojë me golin e Ardi Qorrit nga gjuajta e lirë.
Ballkani më pas fitoi penallti, por arbër Hoxha dështoi, për tu mbyllur pjesa e parë me 1-1. Në pjesë të dytë suharekasit u mobilizuan tërësisht dhe me super-golin e Nazmi Gripshit nga gjuajta e lirë avancuan në 2-1.
Pas kësaj Korenica përsëri shënoi për 3-1, ku u asistua nga Ermal Krasniqi, ndërsa epilogun e vulosi mbrojtësi me përvojë Arbër Prekazi që 10 minuta para fundit shënoi për përfundimtaren 4-1.
Me këtë fitore Ballkani kap kreun përkohësisht, vetëm falë golaverazhit dhe pret rezultatin e Dritës, ndërsa Besa e fundosur, përkundër mundimit për të arritur më shumë, ndalet përsëri duke regjistruar humbjen e 22 të stinorit.
