Leicester prish serinë rekorde të Unitedit

Jamie Vardy dhe Patson Daka kanë shënuar vonë në ndeshje për t’ia sjellë ekipit të Leicester City fitoren ndaj Manchester United në një ndeshje triller të zhvilluar sot në King Power.

Kjo ndeshje shihej prej të lehtave për Unitedin e OG Solskjaerit para dueleve tjera që i ka në kalendar, mirëpo Leicester nuk mendoi kështu.

United kishte marrë epërsinë me Mason Greenwood (19) para se Youri Tielemans të çojë skuadrat në pushim pjesëloje me barazim 1-1 (31). Pjesa e dytë edhe më vrullshëm, ndërsa Caglar Soynucu i dha epërsinë vendasve (78) kurse shpejt zëvendësuesi Marcus Rashford qetësoi gjakrat në stadium kur shënoi për 2-2 (82).

Asgjë nuk kishte përfunduar ende. Që në sulmin tjetër në skenë del mjeshtri i golave, Jamie Vardy (83) e pak më vonë edhe zëvendësuesi Patson Daka (90) për të vulosur fatin e ndeshjes 4-2.

Humbja e parë për Unitedin jashtë pas 29 ndeshjeve, e lë në pozitën e pestë, ndërsa Leicester kërcen në pozitën e njëmbëdhjetë.