Lennon debuton në derbi ndaj Liverpoolit

Krahu këmbëshpejtë i kombëtares angleze, Aaron Lennon, pasi që kaloi te Evertoni ka bërë të ditur për faqen zyrtare të këtij klubi se me gjithë qejf ka nënshkruar për këtë skuadër. 

“Ka qenë një ditë e zhurmshme, dje. Kam qenë duke biseduar me shumë menaxherë, shumë klube, por kjo është ajo që doja,” citohet të ketë thënë Lennon nga evertonfc.com. 

“Ka futbollistë që i njoh nga kombëtarja, por edhe nga ndeshjet në Premier League. Besoj që do të kontribuoj shumë ekipit,” ka shtuar 27 vjeçari. 

Lennon që ka qenë njëri ndër futbollistët më të dalluar të Tottenham Hotspurit në vitet e fundit, nuk e ka gjetur veten te trajneri i ri i ekipit londinez, Mauricio Pochettino. 

Ai tash duhet t’i ndihmojë ekipit të Evertonit për të arritur një vend që dërgon në gara europiane stinorin që vjen. 

Lennon pritet të debutojë për ekipin e tij të ri në derbin lokal ndaj Liverpoolit.