BALLKANI-VLLAZNIA
Leotrim Gashi vendos, Ballkani mposht Vllazninë
29 October, 2016 @16:20
Ballkani i Suharekës ka shënuar fitoren e katërt në Ligë të Parë sot, duke e mposhtur Vllazninë e Pozharanit në ndeshjen e zhvilluar në Prizren.
Ka qenë një moment, kur Leotrim Gashi ka qëlluar portën kundërshtare, për epërsi, që doli të jetë vendimtare në këtë takim për tre pikëshin e radhës për djelmoshat e Gzim Hasit.
Vllaznia në anën tjetër humbi disa raste të qindpërqindta në ndeshje dhe kështu nuk arriti së paku të nxjerr as një pikë në ndeshje, duke u ndarë me humbjen e pestë të stinorit.
Ballkani aktualisht zë pozitën e gjashtë dhe ka mundësi të mira që të luftojë për njërën ndër pozitat që dërgojnë në Superligë, derisa ekipi i Pozharanit do të kërkojë këndelljen në ndeshjet tjera të Ligës së Parë.
