Lideri s’gabon, mposht Besiktasin

Lideri i Superligës turke ka treguar edhe një herë se nuk është befasishëm në krye të klasifikimit dhe atë me sot, ka 4 pikë epërsi ndaj përcjellësit të parë - Basaksehir.

Sivasspor ka shënuar fitore të rëndësishme jashtë shtëpisë, duke e mposhtur Besiktasin në Stamboll, 1-2 [Ljajic 33 - Yesilyurt 7, Yatabare 45].

Për më tepër, mysafirët e drejtuar nga Riza Çalimbay prej minutës së 67-të të ndeshjes luajtën me 10 lojtarë, pasi që Ugur Çiftçi mori karton të kuq. E mundësia e dhënë nga referi i ndeshjes me 6 minuta shtesë, nuk u shfrytëzua fare nga shqiponjat e Stambollit, që nuk përbënë ndonjë rrezik të madh për Sivassporin lider.

TABELA AKTUALE, XHIRO XVIII:

1. Sivas 40 pikë
2. Basaksehir 36 p.
3. Trabzonspor 35 p.
4. Fenerbahçe 34 p.
5. Alanyaspor 32 p.
6. Galatasaray 30 p.
7. Besiktas 30 p.
-