MILAN 3-2 UDINESE
Foto: ACMilan/tw
Zëvendësuesi Rebić i sjell fitoren e tretë me radhë Milanit
19 January, 2020 @14:39
Sulmuesi kroat që fort s’u bë hesap këto ditë te rossonerët, është futur në pjesë të dytë të ndeshjes ndaj Udineses dhe i ka sjellë fitoren e madhe Milanit në shtëpi, 3-2 [Rebić 48, 90, Hernandez 71 - Larsen 6, Lasagna 85].
Ndeshja dramatike u vendos në fund, derisa mysafirët ishin shumë afër marrjes së pikës, kur italiani Kevin Lasagna barazoi në 2-2.
Por “termet” në tribuna shkaktoi kroati Rebić, kur dha gol në minutën e tretë shtesë për fitoren e tretë me radhë në të gjitha garat për rossonerët.
