MEDIA
Lila, në Serie A!
28 December, 2014 @11:48
Kavajasi 28 vjeç, Andi Lila, pritet të bëhet lojtar i Parmës në Serie A, kanë njoftuar mediat shqiptare mbrëmë.
Sipas të përditshmes Panorama Sport, mediat greke dhe italiane, vetëm se kanë shkruar për kalimin e tij nga PAS Giannina e Greqisë në Parmën e Serie A-së, përkundër se asgjë nuk është zyrtare.
Lila, mbrojtës i kombëtares shqiptare, do të nënshkruaj kontratë 3.5 vjeçare me Parmën, shkruan kjo gazetë, derisa asnjë detaj financiar nuk është bërë i ditur.
Nëse realizohet transferi i Lilës te Parma, numri i shqiptarëve në Serie A do të ngritet në gjashtë, pas Lorik Canës, Etrit Berishës, Elseid Hysajt, Migjen Bashës dhe Thoma Strakoshës.
