LIRIA - DRENASI
Liria mposhtë Drenasin, e para fitore e Sensoyit
27 February, 2021 @15:09
Vjen fitorja e parë e Lirisë nën drejtimin e trajnerit Naci Sensoy.
Pas barazimit me Dukagjinin xhiron e kaluar, sot Liria arriti ta mposhtë 2-0 (Mijan Vlaisavljeviç, Igor Felipe dos Santos) skuadrën e Drenasit në “Përparim Thaçi”.
Golashënuesit e Lirisë sot ishin dy përforcimet e huaja, Vlaisavljeviç dhe Igor Felipe dos Santos.
Në pjesën më të madhe të lojës Liria dominoi dhe krijoi raste, por sulmuesit nuk gjenin rrugën e golit të mëhershëm.
Në anën tjetër, mysafirët tentuan disa herë që të mbyllnin prizrenasit në portën e tyre, por në shumicën nga 7-8 rastet e tilla, mungonte pasimi final për t’ia dhënë mundësinë sulmuesit të shënonte.
Te Liria 10-minutëshi i fundit u prit me një lojtar më pak në fushë, pasi që portieri Armend Ruxhi u ndëshkua me të kuqe për një intervenim të tijin te kundërshtari!
Kjo fitore bën që Liria të ngjitet në kuotën e 21 pikëve, kurse Drenasi me 13 pikë ndodhet i parafundit në Grupin A të Ligës së Parë.