Liria zyrtarizon 4 përforcime nga Afrika

Përmes një njoftimi në faqen zyrtare të Facebookut sot, skuadra e Lirisë nga Prizreni, që po drejtohet nga trajneri prishtinas, Ramiz Krasniqi, ka zyrtarizuar 4 futbollistë të ri që vijnë nga Afrika.

Odi Henry Chibueze (v. 1992, Nigerian), Mohamed Karim (v. 1995, Ganez), Asare Richards (v. 1995, Ganez) dhe Joel Deji Mayowa (v. 1992, Nigerian), nga të cilët dy janë mesfushorë ofanziv, një sulmues dhe një mesfushor defanziv.

“Lojtarët në fjalë kanë të drejtë loje që në xhiron e radhës pasi që Liria ka marrë konfirmimin nga FFK, për shkak se i ka paraqitur me kohë,” ka bërë të ditur ekipi në këtë njoftim, duke i përcjellë fjalët e kryetarit Mirsad Çollaku.

Liria në xhiron që vjen është nikoqire e Ferizajit në Prizren, ndërsa nuk ia ka nisur mirë stinorit duke qenë e teta aktualisht në klasifikim, para zonës së rrezikshme, me vetëm 4 fitore nga 10 xhirot e para të Superligës.