Lisandro lë Lyonin

Ndeshja e kthimit e xhiros së tretë kualifikuese të Ligës së Kampionëve ndërmjet Grasshopers dhe Lyon, u vërtetua të ketë qenë ndeshja e fundit për Lisandro Lopezin si futbollist i Lyonit. 

Argjentiasi që hyri në histori të klubit si rekord transfer, për të cilin u paguan 24 milionë euro në vitin 2009 kur erdh nga Portoja, ka lënë klubin françez për të kaluar në Katar, për arsye personale siç është shprehur ai. 

Shuma e transferit nuk është bërë e ditur, ndërsa Lopez do t’i bashkohet ish futbollistit të Paris St Germain, Nene në Al-Gharafa që udhëhiqet nga braziliani Zico, i cili më parë ka udhëhequr Fenerbahçen turke dhe përfaqësuesen e Japonisë ndër të tjera.