JULEN LOPETEGUI
Lopetegui: Nuk ishte fitore e lehtë
9 October, 2016 @23:35
Trajneri i Spanjës, Julen Lopetegui, pas fitores me rezultat 2-0 ndaj Shqipërisë në Loro Boriçi, pranoi se ajo nuk erdhi lehtë.
“Nuk ishte fitore e lehtë. Shqipëria ka një skuadër të mirë me mentalitet të mirë të lojës. E dinim situatën e grupit, e dinim vështirësinë e kësaj ndeshjeje. Mendoj se arritëm fitore të merituar,” tha Lopetegui për TVSH-në.
Më tej, ai nuk pranoi se fitorja e Spanjës erdhi nga gabimet e Shqipërisë, derisa e vlerësoi edhe gjendjen aktuale në grup.
“Jo, nuk mendoj se fitorja erdhi nga gabimet e kundërshtarit. Ne dominuam dhe kishim rastet tona të shënimit. Në këtë grup çdo ndeshje është e vështirë. Ne do të shikojmë ndeshje pas ndeshjeje, për t’i arritur qëllimet tona në fund,” përfundoi trajneri spanjoll.
