BUNDES
REUTERS/Ina Fassbender
Makina e golave, Dortmund!
16 March, 2013 @17:53
Borussia Dortmund i ka kthyer keq Freiburgut avantazhin e marrë në fillim të ndeshjes. Freiburgu kaloi në epërsi me golin e Jonathan Schmid, por milionerët për tre minuta në fund të pjesës së parë përmbysën gjithçka.
Dy herë Robert Lewandowski dhe një herë Nuri Sahin, shënuan nga minuta 42 deri në 45 për rezultatin 3-1 në fund të pjesës së parë. Ndërsa në pjesën e dytë Sahin shënoi edhe njëherë bashkë me Leonardo Bittencourtin për rezultatin përfundimtar 5-1 në të mirë të ekipit të Jurgen Kloppit.
Greuther Furth ka arritur të nxjerrë një pikë të rëndësishme nga mysafirllëku në Bremen ndaj Werderit. Mërgim Mavraj ka qëndruar për 90 minuta në fushë derisa prej minutës së 78-të për Furthin është paraqitur edhe sulmuesi kosovar, Ilir Azemi.
Schalke, pas dështimit në Ligën e Kampionëve, është mposhtur keq nga Nurnbergu në Grundig Stadion 3-0. Me këtë humbje Schalke ka dështuar të mbledhë pikë të nevojshme këtë javë për luftën që çon në Ligë të Kampionëve stinorin tjetër dhe tashmë mund ta humb ate.
BUNDESLIGA, SOT:
| Borussia Dortmund - Freiburg | 5-1 | ||
| Nurnberg - Schalke | 3-0 | ||
| Werder Bremen - Greuter Furth | 2-2 | ||
| Hoffenheim - Mainz | 0-0 | ||
| Hamburg - Augsburg | 0-1 |
