Manaj vendos në dhjetor

Agjenti i sulmuesit të shpresave shqiptare Rei Manaj, Alberto Maria Fontana, u ka thënë mediave italiane se ardhmëria e sulmuesit do të bëhet e ditur në janar. 

“Kur Rei arriti në Inter ne menduam se ai pak do të luaj me të rinjtë ndërsa ndonjëherë me ekipin e parë, e tash ai aty është standard me ekipin e Roberto Mancinit,” ka thënë fillimisht Fontana për Inter News. 

“Besoj se në janar ai ka gjasa më shumë të lëviz diku, sesa të qëndrojë në Inter. Puna me Interin natyrisht që e ndihmon shumë atë, por ai duhet të luaj,” ka shtuar ai. 

“Në dhjetor do të marrim vendimin më të mirë për ‘të, duke u ulur dhe duke biseduar edhe me zyrtarët e klubit. Ai është 18 vjeçar dhe premtues. Po të ishte 24-25 vjeç pa dyshim se do të insistoja në ndërrim të ekipit, por tash duhet të jemi të kujdesshëm,” ka përfunduar bisedën agjenti i lojtarit shqiptar. 

Manaj ka marrë fjalë të mira edhe nga trajneri i kombëtares shqitpare Gianni De Biasi dhe mund të përfshihet në listën e kombëtares për Kampionatin Europian EURO 2016. 

Manaj këtë stinor prej se u bë pjesë e Interit ka fituar nga Mancini besimin të hyjë në dy ndeshje si zëvendësues, duke kaluar 24 minuta në fushë, që vlerësohet mjaft nga njohësit e futbollit.