Manchester konfirmon Matën

Mesfushori spanjoll Juan Mata, është tashmë lojtar i ri i Manchester Unitedit. Para disa çastesh faqja zyrtare e djajve të kuq ka konfirmuar se kanë rënë në ujdi për pagesën e dëmshpërblimit dhe rrogën e spanjollit 25 vjeçar, që deri dje ishte futbollist i Chelseat. 

Transferi i Matës do të jetë rekord transferi i Manchester Unitedit, kampionit aktual të Anglisë, pasi që për të do të pagohen mbi 40 milionë euro dëmshpërblim. 

Mata ka qenë lojtar i Chelseat që nga viti 2011, kur pat arritur nga Valencia për rreth 30 milionë euro. Ai në dy stinorët e fundit ka qenë i zgjedhur si lojtari më i mirë i vitit te Chelsea, mirëpo me rikthimin e trajnerit Josë Mourinho në ekip, nuk kishte më vend për atë aty.