Mavraj shkakton penallti, eliminohet nga Kupa

Pas humbjes së thellë në fundjavë ndaj Bayern Munchenit, skuadra e Mërgim Mavrajt, Hamburg, ka marr edhe një goditje tjetër, kësaj radhe duke u eliminuar nga Kupa e Gjermanisë, e njohur ndryshe si kupa DFB Pokal.

Shkaktare për eliminimin e Hamburgut ishte skuadra Borussia Monchengladbach, e cila fitoi me rezultat 1-2, falë dy penalltive të fituara në minutat 53’ dhe 61’, të cilat i shndërruan në gol Stindl dhe Raffael.

Në penalltinë e parë fajin e kishte Mavraj, pasi që me bëri ndërhyrje të palejuar në zonën e rreptësisë.

Goli për vendasit u shënua në kohën shtesë nga amerikani Bobby Wood.

Me këtë fitore, Gladbach e regjistroi emrin e tij në gjysmëfinale të Kupës.