Mazzarri është rehat

Interi është në vlug të kritikave. Prej se u largua Jose Mourinho nga ekipi, skuadra Neroazzure nuk po arrin të këndellet assesi, derisa këtë nuk po mund ta bëj as trajneri i njohur italian, Walter Mazzarri. 

Tashmë, Mazzarri është nën bombardim të kritikëve, por edhe tifozëve, që po shprehin haptas pakënaqësinë me rezultatet e arritura të ekipit. 

Sidoqoftë, kreu i Interit, Eric Thohir, i ka dhënë përkrahje Mazzarrit, por ka vënë theksin te rezultatet. 

“Unë asnjëherë nuk i kam dhënë Mazzarrit ultimatum, edhe pse e kam lexuar këtë në media,” ka thënë fillimisht Thohir për La Repubblican sot. 

“E kam thënë më duket gjashtë-shtatë herë dhe po e them prapë. E kam nisur këtë projekt me Mazzarrin dhe ai mund të ndjehet komfor në pozitën e tij. E dimë shumë mirë se realizimi i planit kërkon kohë. Natyrisht se na duhen edhe rezultatet, por kemi aktualisht probleme me lëndime,” është cituar të ketë thënë njeriu që bleu Interin. 

Pas 11 xhirove të zhvilluara, Inter gjindet në pozitën e nëntë të tabelës me 4 fitore derisa ka 16 pikë të tubuara. 

Shiko tabelën dhe rezultatet e Serie A

Në xhiron e radhës, Inter ndeshet me rivalin lokal, Milan.