KUPA E KOSOVËS, TERMINET
Nga arkivi
Me çerekfinalet e Kupës, nis pranvera në futboll
4 February, 2019 @17:31
Federata e Futbollit të Kosovës (FFK) ka publikuar sot orarin e ndeshjeve çerekfinale të Kupës së Kosovës në futboll.
Me këto ndeshje, që do të luhen në fundjavën në vijim, edhe zyrtarisht nis pjesa pranverore e futbollit kosovar.
Për të shtunën është përcaktuar të luhet çerekfinalja mes Ferizajit dhe Feronikelit, që nis në ora 13:00.
Ndërsa të dielën në ora 13:00 luhen dy ndeshje, Vëllaznimi-Drita dhe Kika-Ballkani, derisa në të njëjtën ditë në ora 15:00 nis Prishtina-Trepça’89, që pritet të jetë edhe dueli më interesant i kësaj faze të Kupës.
Në gjysmëfinale do të kalojnë fituesit e këtyre ndeshjeve. Ndeshje të kthimit nuk ka. Nëse përgjatë 90 minutave dueli nuk ka fitues, loja shkon në vazhdime. E nëse as pas vazhdimeve s’ka fitues, penalltitë do të përcaktojnë gjysmëfinalistin e garës.
