LIVERPOOL - CARDIFF
Me Shaqirin shënues, bëhen liderë
27 October, 2018 @17:55
Forma e mirë e ekipit të Liverpoolit nuk ka të ndalur këtë stinor dhe kjo po shihet tani edhe me arritjen e kreut (deri sa të luaj City) në Premier Ligë.
Liverpool ka fituar ndaj Cardiff Cityt sot 4-1 në Anfield, ndërsa Xherdan Shaqiri ka shënuar golin e parë të tij në terrenin vendas.
Mohamed Salah i dha epërsinë Liverpoolit (10’), ndërsa Sadio Mane (66’) e shtoi atë.
Callum Paterson i Cardiffit shënoi për 2-1 (77’), por pastaj kanë shpërthyer Xherdan Shaqiri (84’) dhe Sadio Mane (87’) për t’i dhënë fund shpresave të mysafirëve pas golit të uljes së epërsisë.
Të dy golat e fundit kanë ardhur nga asistimet e egjiptianit Salah.
Liverpool pas dhjetë xhirove ka 26 pikë, 3 më shumë se ndjekësi Manchester City që luan të hënën ndaj Tottenhamit si mysafir.
