Meha i kthehet golave

Mesfushori shqiptar i cili mbeti i heshtur në tre ndeshjet e fundit duke mos shënuar asnjë gol, Alban Meha, i është kthyer festës së shënimit të golave.

Futbollisti 27 vjeçar shënoi golin e dytë të skuadrës së tij në minutën 58’, duke kontribuar në fitoren e thellë 3-0 ndaj St. Paulit.

Për Mehën ky ishte goli i dhjetë në Bundesliga 2, aq sa ka edhe sulmuesi shqiptar i Frankfurtit, Edmond Kapllani.

Me këtë fitore Paderborni vazhdon ta mbaj pozitën e tretë në tabelë, pozitë kjo e cila mundëson zhvillimin e ndeshjes së Play Offit për kualifikim në Bundesligë.

Në javën e ardhshme Paderborni i Mehës do të përballet me Frankfurtin e treshes shqiptare - Kapllani, Roshi dhe Toski.