Mendja te Barcelona

Ylli i ri i Bayern Munchenit, Xherdan Shaqiri, ka pranuar se ka qenë jashtëzakonisht e vështirë që të koncentrohen në lojë ndaj Wolfsburgut mbrëmë. 

“Ne të gjithë dëshirojmë të fitojmë edhe Kupën e Gjermanisë, mirëpo ka qenë tepër e vështirë për ne. Të gjithë flasin për ndeshjen ndaj Barcelonës dhe ka qenë tejet e vështirë që të koncentrohemi në lojë. Në fund e arritëm këtë duke e krijuar edhe diferencën e madhe,” ka thënë kosovari, njoftojnë mediat gjermane sot. 

Xherdan Shaqiri ka shënuar një gol dhe ka asistuar dy herë në ndeshjen e mbrëmshme, ku Bayern mposhti Wolfsburgun në gjysmëfinale të Kupës së Gjermanisë, 6-1. 

Bayern në mesjavën e ardhshme luan ndaj Barcelonës në kuadër të Ligës së Kampionëve, derisa në Bundesliga veçse ka siguruar titullin e kampionit.