Në Turqi, si në shtëpi

Wesley Sneijder e ka bërë të qartë se është i lumtur në Galatasray, pas fillimit të vështirë me kampionin e Turqisë. 

Mesfushori holandez, Sneijder, iu bashkua kuq-e-verdhëve të Stambollit në afatin kalimtar të janarit, nga Interi. 

“Ishte vështirë, por tash u mësova si me formacionin ashtu edhe me mënyrën e lojës në ekip. Tashmë po ndihem sikurse në shtëpi dhe jam definitivisht i lumtur,” i ka thënë Sneijder të përditshmes holandeze, Algemeen Dagblad. 

Wesley Sneijder deri më tani ka pasur 11 paraqitje në Superligën turke me Galatasarayin dhe ka shënuar tre gola, deri më tani. 

Galatasaray gjindet në vendin e parë të Superligës turke me katër pikë më shumë se rivali i tyre, Fenerbahçe, pesë xhiro para fundit të stinorit.