Meritojmë kualifikimin

Disfata e thellë nga Franca ka bërë që zviceranët të mësojnë nga gabimet. Këtë e ka pranuar edhe dhjetëshja e këtij vendi, Granit Xhaka. 

“Video analiza ka qenë jetike. Të gjitha gjërat e këqija shiheshin qartë,” ka thënë Xhaka për faqen zyrtare të FIFA-së, gjatë një interviste para ndeshjes së sotme, ku Zvicra kërkon fitore ndaj Hondurasit për të siguruar kualifikimin. 

Zvicrës shpreson në fitore ndaj Hondurasit, derisa kërkon që Ekuadori të mos e fitojë Francën në ndeshjet e fundit të Grupit E, ashtu që të siguruojë kualifikimin. 

“Kjo është si finale e Kupës së Botës për ne. Duhet të luftojmë në çdo cep të fushës për njëri-tjetrin. Duhet të fitojmë Hondurasin, kjo është ajo që na duhet patjetër,” ka shtuar më tej 21 vjeçari që luan për Borussia Monchengladbachun në Bundesligë. 

E sa i përket cilësisë së kundërshtarit të sotëm, Graniti ka thënë se Zvicra qartësisht është më e fuqishme. 

“Kemi ekip më të mirë. Kemi më shumë cilësi se Hondurasi. Mendoj se e meritojmë të arrijmë te 16 skuadrat më të mira të Botërorit. E këtë do ta tregojmë kundër Hondurasit,” ka përfunduar Xhaka. 

Zvicra që ka fituar ndeshjen e parë të grupit ndaj Ekuadorit 2-1, u mposht keq nga Franca në ndeshjen e dytë 5-2. Ekipi i udhëhequr nga Ottmar Hitzfeld do të kërkojë fitore dhe të shpresojë që Ekuadori të mos e mposht Francën.

TABELA AKTUALE