Modrić: Kosova është më e mirë si mysafire

Mesfushori i Real Madridit, Luka Modrić, i zgjedhur si mesfushori më i mirë i stinorit në Europë ditë më parë nga UEFA, në konferencën për shtyp para ndeshjes me Kosovën ka thënë se kosovarët janë më të rrezikshëm kur luajnë si mysafirë.

“Pres një ndeshje interesante, duhet të jemi të koncentruar maksimalisht për të arritur rezultat, që në rastin tonë është fitore. Kosova është ekip i papërshtatshëm, teknikisht e rregulluar, me lojtarë të shpejtë,” ka thënë njëri ndër mesfushorët më të mirë në botë Modrić, për reprezentacionin e Kosovës.

TABELA AKTUALE DREJT RUSIA 2018

“Nëse nuk je në nivel ndaj Kosovës, ata mund të të shkaktojnë probleme. Edhe një gjë më ka rënë në sy, Kosova luan shumë më mirë jashtë shtëpisë. Kjo është arsyeja kryesore pse duhet dhënë maksimumin në këtë ndeshje, të arrijmë rezultatin e duhur dhe të shkojmë të motivuar në Turqi në ndeshjen e radhës,” ka shtuar Modrić.

Kroacia-Kosova zhvillohet sonte prej orës 20e45.