LOUIS II
Monaco kërkon befasinë e radhës
22 April, 2015 @10:49
Monaco e ka të qartë që duhet të sulmojë dhe të shënojë fitore së paku 2-0 për të arritur gjysmëfinalen e Ligës së Kampionëve.
Këtë e di edhe trajneri i tyre Leonardo Jardim, edhepse ndaj Juventusit që dallohet me mbrojtje të mirë, nuk është lehtë.
“Duhet të luajmë lojë perfekte. Mbrojtje të fortë dhe sulm vdekjeprurës. Do të marrim rrezikun e llogaritur për të kërkuar gjysmëfinalen e Ligës së Kampionëve,” ka thënë Jardim para ndeshjes së sontme.
Në anën tjetër Juventus ka gjithçka në dorë të vetë.
“Nuk i di taktikat e Monacos për sonte, por e di që ne e kemi në dorën tonë kualifikimin për në gjysmëfinale,” ka thënë ndër të tjera Massimiliano Allegri, trajner i Juventusit.
Juventus fitoi ndeshjen e parë 1-0 ndaj Monacos në Torino, ndërsa sonte mendon të arrijë gjysmëfinalen e parë europiane që prej stinorit 2002/03 në Ligë të Kampionëve.
Formacionet e mundshme:
| MONACO: | Subašić; Raggi, Fabinho, Abdennour, Kurzawa; Moutinho, Bernardo Silva, Kondogbia; Dirar, Martial, Berbatov. | ||
| JUVENTUS: | Buffon; Barzagli, Bonucci, Chiellini; Lichtsteiner, Marchisio, Pirlo, Vidal, Evra; Morata, Tévez. |
