Mund t’i mposhtim armenët, por…

Trajneri italian i kombëtares shqiptare, Gianni De Biasi, në një intervistë të dhënë për ditoren shqiptare, Shekulli, ka treguar se Shqipëria do të mund të mposht Armeninë, por duhet kujdes. 

“Armenia është kundërshtare shumë e fortë. Skuadra mbrohet me 5 mbrojtës, me tërë mesfushën shkon në kundërsulm por edhe kthehet në mbrojtje, ndërsa Henrikh Mkhitaryan është bërë lojtari kryesor i Borussia Dortmundit,” ka thënë De Biasi në përgjigjen e tij ndaj gazetës në fjalë. 

-Armenia, është skuadër që mund të mposhtet? 

“Të gjitha skuadrat mund të mposhten. Shihni çka i ndodhi Portugalisë në shtator… Mirëpo, për të fituar një ndeshje duhet të përgatitemi mendërisht dhe fizikisht mjaft. Gjithashtu, duhet të kemi dëshirë më të madhe për fitore dhe të fitojmë edhe taktikisht,” ka thënë italiani 55 vjeç në pyetjet drejtuar për ndeshjen e radhës së Shqipërisë për EURO 2016. 

Shqipëria është aktualisht në vend të tretë të Grupit I kualifikues për EURO 2016. 

Ajo ndeshet me Armeninë në Elbasan Arena më 29 mars.