Terminet e ndeshjeve të Kupës

Ashtu siç u përcaktua ditë më parë, sot një javë, pra të mërkurën e ardhshme, pritet të zhvillohen katër ndeshjet e para të Kupës së Kosovës. 

Kështu, me fillim në ora 13:00 më datë 11 mars në program do të jenë: Llapi - Prishtina, Ferronikeli - Kosova Vushtrri, Besa - 2 Korriku dhe Istogu - Dukagjini. 

Fituesit e këtyre ndeshjeve kualifikohen në çerekfinale të Kupës së Kosovës, derisa ndeshjet tjera që pritet të zhvillohen në ditët në vijim, por që ende nuk e kanë përcaktuar terminin janë: Trepça - Trepça’89, Gjilani - Ferizaji dhe Flamurtari - Drita. 

Drenica, me short është skuadra e parë që ka arritur çerekfinalen. 

Ndeshjet Llapi-Prishtina dhe Ferronikeli-Kosova, do të transmetohen drejtpërdrejtë në Supersport Kosova.