Immobile i kthehet golave, por Reus lëndohet

Borussia Dortmund ka arritur të shënojë fitore në kuadër të Kupës gjermane në ndeshje ndaj Dynamo Dresdenit mbrëmë. 

Golashënuesi më i mirë i Serie A-së në stinorin e shkuar, Ciro Immobile, iu kthye golave duke shënuar dy herë për të dërguar Borussia Dortmundin në fazën e radhës së Kupës, mirëpo ajo që brengos drejtuesit dhe menaxhmentin e ekipit verdhezi nga Dortmund është lëndimi i pësuar në ndeshje nga ylli gjerman i skuadrës Marco Reus. 

Dortmund ende nuk ka bërë të ditur se sa serioz është lëndimi i këmbëshpejtit Reus, por sado qoftë ajo do t’i shkaktojë telashe Jurgen Kloppit para ndeshjes me Juventusin në kuadër të Ligës së Kampionëve.