KUPA E SHQIPËRISË
Foto: FSHF
Ndryshohet data e finales së Kupës së Shqipërisë
25 May, 2021 @15:38
Federata Shqiptare e Futbollit ka ndryshuar datën e finales së Kupës së Shqipërisë.
Finalja e Kupës që do të luhet ndërmjet Skënderbeut dhe Vllaznisë, është shtyer për një ditë më vonë, për t’u zhvilluar më 31 maj, ndryshe nga data paraprake që ishte caktuar për 30 maj.
Ora e fillimit të ndeshjes finale (19:00) dhe vendi ku do të luhet (stadiumi kombëtar “Air Albania”) ka mbetur i pandryshuar.
Në njoftimin e FSHF-së, nuk është treguar arsyeja e këtij ndryshimi të orarit.
