Në ndjekje të Realit

Skuadra e Barcelonës ka shënuar fitore të lehtë ndaj Almerias sonte në kuadër të La Ligas në Camp Nou. Djelmoshat e Tata Martinos kanë nisur mirë ndeshjen duke shënuar 2 gola për 25 minuta të takimit, derisa goli i Lionel Messit nga gjuajtja e lirë u mbeti në mend shikuesve të shumtë sonte. 

Almeria tregoi shenja të këndelljes së shpejtë kur Angel Trujillo uli epërsinë e katalonasve në 2-1 me golin e tij në minutën e 27-të të ndeshjes, por kjo ishte e tëra që arritën të bëjnë nxënësit e trajnerit Francisco Vilchez. 

Në pjesën e dytë Barcelona shënoi edhe dy gola tjerë në 10 minutëshin e fundit me anë të të moshuarve, Carles Puyol dhe Xavi Hernandez për rezultatin përfundimtar 4-1. 

Rezultatet dhe tabela aktuale.