NGA TAKIMI
Nesër prezantohet stadiumi i ri
13 June, 2019 @14:48
Pas një takimi të krerëve të Federatës së Futbollit të Kosovës me kryesuesin e Ministrisë së Sportit të Kosovës, është bërë e ditur se nesër do të prezantohet projekti për ndërtimin e stadiumit të ri kombëtar të Kosovës.
Në këtë takim kryesisht u fol për infrastrukturë sportive, bën të ditur FFK-ja në njoftimin e lëshuar para pak çastesh, derisa është thënë gjithashtu se shpejt do të nis puna për renovimin e “Adem Jasharit” për të plotësuar kriterin e UEFA-së për ndeshje ndërkombëtare të kategorisë së katërt.
