BUNDESPOKAL
REUTERS/Arkiv
Neuer mbron penallti, Bayern në gjysmëfinale
8 April, 2015 @23:13
Bayern Munchen është gjysmëfinalisti i fundit i Kupës së Gjermanisë.
Bavarezët kanë shkuar në gjysmëfinale falë penalltive të ekzekutuara më mirë se kundërshtari i tyre, Bayer Leverkusen, pasi që ndeshja në kohë të rregullt dhe pas kohës shtesë nuk pa gol të shënuar.
Përderisa të gjithë futbollistët e Bayernit shënuan penalltitë, te Leverkusen Josip Drmic pa penalltinë e tij të mbrojtur nga Manuel Neuer - që doli të jetë vendimtare për kualifikimin e bavarezëve.
Para Bayernit, gjysmëfinalen e siguruan edhe Wolfsburg, Borussia Dortmund dhe Arminia Bielefeld.
