PARIS ST GERMAIN 2-0 BORUSSIA DORTMUND
Neymar - Bernat vendosin, Parisi eliminon Dortmundin
11 March, 2020 @22:57
Braziliani Neymar dhe spanjolli Juan Bernat kanë shënuar nga një gol në pjesë të parë të ndeshjes për të siguruar fitoren 2-0 të Paris St Germainit në përballje ndaj Borussia Dortmundit dhe për t’ia siguruar çerekfinalen ekipit francez.
Neymar ka shënuar me asist të Angel Di Marias, ndërsa Juan Bernat me asist të Pablo Sarabias 2-0 [Neymar 28, Bernat 45].
Pas performancës jo të mirë në Gjermani, ku kishin humbur 2-1 taktikat e Thomas Tuchelit u vënë në pyetje, ndërsa PSG dha përgjigje sonte në Parc des Princes të zbrazët, në përballjen që u luajt pa prani të tifozëve për shkak të rrezikut nga coronavirusi.
Mysafirët ndeshjen e kryen me 10 lojtarë, pasi që Emre Can në minutën e fundit të duelit u ndëshkua me karton të kuq.