VALENCIA 3-4 ATALANTA
Ilicic me rekord, Xhimshiti 90min - Atalanta vazhdon ëndrrën
10 March, 2020 @23:05
Slloveni Josip Ilicic, që do të jetë kundërshtar i Kosovës në duelet e vjeshtës në Ligë të Kombeve, ka shënuar katër gola në fitoren e radhës të Atalantës ndaj Valencias për të siguruar çerekfinalen e Ligës së Kampionëve.
Ai është bërë lojtari më i vjetër në moshë që ka shënuar hat-trick në Ligë të Kampionëve, me 32 vjet e 41 ditë jete.
Atalanta kishte epërsinë nga ndeshja e parë 4-1, ndërsa sonte që në fillim të ndeshjes kuptuan se do të jenë në tetëshen më të mirë të garës, kur Ilicic shënoi dy herë në pjesë të parë për avantazhin 1-2 në përballjen që përfundoi 3-4 [Gameiro 21, 51, Ferran Torres 67 - Ilicic 3p, 43p, 71, 82] në të mirë të italianëve, të cilët me rezultat të përgjithshëm 4-8 shkuan tutje.
Berat Djimsiti ka qenë për 90min në fushë te Atalanta dhe bëhet ndër reprezentuesit e rrallë të Shqipërisë që arrin këtë fazë të garave të Ligës së Kampionëve.