AIK 3-1 KALMAR
Fidan Aliti shënon në humbjen e ekipit
10 March, 2020 @14:34
Qendërmbrojtësi i pazëvendësueshëm i Kosovës, Fidan Aliti, duket se është në formë të mirë para ndeshjes që Kosova do ta luaj ndaj Maqedonisë.
Ai ka shënuar dje gol në përballjen që ekipi i tij Kalmar e humbi nga AIKu në kuadër të Grupit D të Kupës së Suedisë, 3-1.
Për AIK-un golin e tretë të ndeshjes e ka shënuar ish futbollisti i Partizanit të Tiranës Jasir Asani, që në janar kaloi te ekipi i tij i ri.
Me këtë humbje Kalmar u eliminua nga Kupa, pasi që AIK fitoi grupin me 7 pikë, një më shumë sesa ekipi i Alitit.