LIRIA 2-0 ONIX
Dy minuta vendosën, Liria pas 4 muajsh shënon fitore
8 March, 2020 @16:31
Liria më në fund ka arritur të shënojë fitore. Pas gati plotë 4 muajsh, Liria ka arritur të shënojë fitoren e parë në Ligë të Parë, duke e mposhtur Onixin 2-0 [Qëndrim Gashi 56, Valon Bytyçi 58] në shtëpi, me golat e shpejtë të shënuar në pjesë të dytë.
Pjesa e parë e ndeshjes përfundoi pa gola, ndërsa djelmoshat e Skender Shengylit në pjesë të dytë nisën vrullshëm pasi që tashmë iu duhej si uj fitorja e parë në pjesën pranverore të stinorit.
Dhe kjo u arrit me golat nga distanca. Ka qenë së pari Qëndrim Gashi që qëlloj portën e mysafirëve, e shpejt pas kësaj edhe Valon Bytyçi në mënyrë të njëjtë nga distanca ka qëlluar për 2-0 përfundimtare.
Fitorja e çon Lirinë në pozitë të tretë të klasifikimit, 5 më pak se Arbëria që është në pozitën e dytë e që çon në Superligë.
Përndryshe kjo ka qenë fitorja e parë e Lirisë nën drejtimin e trajnerit të ri të saj, Skender Shengyli.
Në anën tjetër, Onixi bie në pozitën e nëntë pas kësaj humbjeje.