Ministri i Shëndetësisë propozon që Maqedonia - Kosova të luhet pa publik

Para pak çastesh Ministri i Shëndetësisë së Maqedonisë Veriore, Venko Filipce, ka bërë të ditur se sipas tij të gjitha duelet sportive do të duhet të luhen pa publik, për shkak të rrezikut të coronavirusit.

Në konferencë për shtyp ai ka bërë të ditur se ai do të propozojë ndalesën për aktivitete publike deri më 13 mars 2020 dhe varësisht prej rrezikut, do të sjellë edhe vendim tjetër.

“Të gjitha ndeshjet sportive, veçanërisht Maqedonia - Kosova, sipas meje do të duhet të luhen pa publik. Për të qenë të kujdesshëm, ne duhet të kemi parasysh se për këtë ndeshje do të vinë persona edhe nga shtetet tjera. Kjo ndalesë (për të gjitha aktivitetet publike) do të vlejë për momentin deri më 13 mars, por varësisht prej situatës dhe rrezikut nga coronavirusi, do të sjellim vendim tjetër,” citohet të ketë thënë Filipce në konferencën e sotme për shtyp, shkruan Ekipa.