PLAYOFF TICKETS
Shiten të gjitha biletat për Maqedonia V - Kosova
6 March, 2020 @13:42
Federata maqedonase ka bërë të ditur para pak çastesh se për ndeshjen e PlayOffit të Ligës D të Kombeve mes Maqedonisë Veriore dhe Kosovës - janë shitur të gjitha biletat.
Të gjitha biletat në dispozicion për tifozët vendas në Todor Proeski janë shitur brenda javës, prej kur ato dolën në shitje - pra për pesë ditë.
Në anën tjetër, sa i përket zhvillimit të ndeshjes pa publik, kreu i FFM-së Muhamed Sejdini ka siguruar se vendimi mirret në ditët në vijim vetëm nëse parashihet rreziku i madh nga coronavirusi.
E në këtë rast, FFM do t’ua rimbursojë biletat e blera.
E njëjta vlen edhe për tifozët e Kosovës, Dardanët, të cilët për këtë ndeshje do të kenë në dispozicion 5% të biletave të stadiumit kombëtar të Shkupit, që në total ka 30 mijë ulëse.
Ndeshja Maqedonia Veriore - Kosova luhet më 26 mars me fillim prej orës 20:45. Fituesi i kësaj ndeshjeje takohet me fituesin e gjysmëfinales tjetër, Gjeorgjia - Bellorusia. E fituesi i finales siguron për herë të parë një Kampionat Evropian, EURO 2020.
