PARA NDESHJES MAQEDONIA VERIORE - KOSOVA
Sejdini: Maqedonia V. - Kosova do të luhet, qoftë edhe pa tifozë
5 March, 2020 @23:28
Çështja që po shkon në drejtim të alarmit botëror - coronavirus - ka bërë mediat që të interesohen për duelin e 26 marsit 2020 ku Maqedonia Veriore dhe Kosova do të luajnë gjysmëfinalen e PlayOffit të Ligës D të Kombeve.
Kështu, në një intervistë dhënë për emisionin “10 minuta”, kryetari i parë shqiptar i Federatës së Futbollit të Maqedonisë Veriore, Muhamed Sejdini, ka bërë të ditur se pas takimit që ka pasur me kreun e UEFA-së, Aleksandar Ceferin, i është bërë e ditur se data e ndeshjes nuk guxon të lëviz.
“Është trend botëror, unë pata takime me kryetarin e UEFA-së Aleksandar Çeferin. Ai më siguroi se datat tjera të lira që të luhet ndeshja është shumë zor për të gjetur. Ne do ta ndjekim të gjithë situatën me organet kompetente dhe nëse vjen një gjë e tillë mund të luhet vetëm pa publikë. Po ndeshja do të luhet gjithsesi”, ka thënë Sejdini.
Ndeshja Maqedonia Veriore - Kosova do të luhet në stadiumin Todor Proeski të Shkupit më 26 mars me fillim prej orës 20:45.
