FERONIKELI 2-0 VUSHTRRIA
Tovërlani debuton me fitore
9 March, 2020 @16:23
Në ndeshjen e parë të tij zyrtare pas rikthimit në stolin e Feronikelit, Afrim Tovërlani ka debutuar me fitore.
Kampioni aktual i Kosovës ka shënuar fitore të pritur ndaj Vushtrrisë që po lufton për mbijetesë, duke shënuar nga një gol heret, për çdo pjesë lojë për përfundimtaren 2-0 [Ilir Berisha 17, Mevlan Zeka 68].
Bile, kah fundi i ndeshjes Mendurim Hoti çoi në pakthim edhe rastin më të mirë në futboll, duke gjuajtur lartë mbi portë penalltinë e fituar në minutën e 87-të të ndeshjes.
E Feronikeli që u rrezikua dy herë nga të huajt e Vushtrrisë në pjesë të parë (Sie dhe Da Silva) arriti epërsinë menjëherë pas rrezikur me Berishën që ka përvojë të madhe, ndërsa në pjesë të dytë gjakovari Zeka shënoi për të hequr dilemat e fituesit dhe befasisë potenciale në Rexhep Rexhepi.
Fitorja çon Feronikelin në 34 pikë, ndërsa Vushtrrinë e fut në ciklin e fundit të ndeshjeve me shpresa edhe më të pakta se para ndeshjes së sotme.